Laura Caneira

Ola_mundo! Son Laura Caneira, artista gráfica e ilustradora. O meu principal medio de expresión é a imaxe gráfica, ben sexa a través do deseño ou a ilustración. Aí atopo as ferramentas necesarias para desenvolver a miña investigación artística, que parte dun acto de observación, recompilación e sintesis do territorio desde o virtual. Como tecemos as nosas redes afectivas nun territorio cada vez máis virtualizado? Mesturando o pixel-art, o deseño téxtil e a cartelería exploro novas conexións entre o virtual e o íntimo. En 2021, a miña obra gráfica _Para Jesús: nin máis nin menos foi seleccionada no certame Novos Valores, onde se exhibiu xunto a outros finalistas no Museo de Pontevedra. En 2023, Deseño para unha colcha (Para Anderson) foi publicouse no Anuario #2 do editorial Errar es Bien, proxecto editorial impulsado pola Facultade de Belas Artes da Universidade de Vigo. O meu traballo de ilustración abarca murais, cubertas de libro e carteis.