A Unión AC presenta a súa renovada Xunta Directiva cunha proposta colaborativa e inclusiva

Do Estatuto do artista á reconstrución cultural en Valencia.

A Unión AC, Confederación de Asociaciones de Artistas Visuales de España, anuncia a renovación da súa Xunta Directiva, realizada o pasado sábado 25 de xaneiro no Círculo de Belas Artes de Madrid. Este cambio é o resultado dunha proposta conxunta impulsada por asociacións de diversas rexións, como Valencia, Galicia, Cataluña e Madrid, que liderarán esta nova etapa.

Este novo equipo directivo asume o reto de reforzar a defensa dos dereitos e intereses dos artistas contemporáneos, especialmente nun contexto onde acontecementos recentes, como as inundacións en Valencia, puxeron de manifesto a fraxilidade do sector. A nova xunta destaca, agora máis que nunca, a importancia dun compromiso firme por parte das institucións públicas para fortalecer ás asociacións de artes visuais. A nova xunta reafirma tamén o seu compromiso de consolidar un tecido asociativo sólido e de traballar en favor de cambios estruturais que melloren as condicións laborais e sociais dos artistas en todo o país.
O novo presidente, Cyrille Larpenteur (AVVAC, Comunidad Valenciana), toma o relevo de Gloria Reguero (AVA Castilla y León), dando continuidade e reforzando o compromiso da organización cun liderazgo inclusivo, orientado ao coidado das persoas e á continuidade da súa misión colectiva. A Unión de Artistas Contemporáneos de España (UNIÓN AC) é una organización que agrupa ás principais asociacións de artistas do territorio español. Entre os seus fins, destaca a defensa e representación dos intereses do colectivo en base ao código de boas prácticas, a promoción da arte contemporánea e do asociacionismo artístico, así como a posta en valor do modelo de xestión colectiva como ferramenta esencial para o sector.

Obxectivos e proposta estratéxica
A candidatura, impulsada pola AVVAC de Valencia, A Colectiva de Galicia, a PAAC de Cataluña e AVAM de Madrid, ten como obxectivo consolidar á Unión AC como un espazo inclusivo, sostible e participativo.
A estrutura organizativa prevé a creación de comisións temáticas e asume o desafío de fortalecer a defensa do Estatuto del Artista, promovendo condicións laborais dignas para os e as artistas e visibilizando a relevancia do seu traballo. Ademais, traballará para fomentar a colaboración internacional e consolidar un modelo de asociacionismo inclusivo e eficaz, destacando o valor da arte contemporánea como motor social e cultural.
En particular, o proxecto de reconstrución cultural trala catástrofe natural en Valencia será un eixo estratéxico, enfocado en mellorar infraestruturas, fomentar a resiliencia do sector e desenvolver un ecosistema artístico sostible.

Nova Xunta Directiva
A dirección da Unión AC estará integrada por un equipo comprometido coa defensa dos e das artistas:

• Presidencia: Cyrille Larpenteur (AVVAC , Comunidad Valenciana).
• Vicepresidencia: Iria Vázquez López (A Colectiva, Galicia) e Rafael Peñalver Andrés (AVAM, Madrid).
• Secretaría: Joan Vila-Puig Morera (La PAAC, Cataluña).
• Tesourería: Eva Antelo Mata (A Colectiva, Galicia). Con esta nova etapa, a Unión AC reafírmase como un espazo de referencia para a arte contemporánea en España, ao servizo de quen, co seu traballo, enriquecen o patrimonio cultural da nosa sociedade.

Para máis información:
https://unionac.es/