Convenio coa Universidade de Vigo e Facultade de Belas Artes
27 / 02 / 2026
A asociación AColectiva anuncia a sinatura dun convenio de colaboración coa Universidade de Vigo (UVigo), co obxectivo de establecer un marco de cooperación estable que favoreza o desenvolvemento de proxectos conxuntos de carácter académico, cultural e investigador.
Obxecto do convenio
O propósito deste convenio é realizar actividades e proxectos de interese común para ambas institucións. Entre as liñas de colaboración inclúense:
- Desenvolvemento de proxectos de investigación.
- Organización e realización de actividades académicas: cursos, conferencias, simposios ou seminarios.
- Descontos para persoas socias da asociación e membros da comunidade universitaria en actividades organizadas por cada unha das entidades.
- Apoio a investigadores/as e estudantes.
- Intercambio de publicacións, traballos de investigación e materiais académicos de interese.
- Colaboración en proxectos culturais de interese común.
- Promoción da igualdade de oportunidades entre mulleres e homes en todos os ámbitos da sociedade.
- Mobilidade de estudantes e persoal docente.
- Desenvolvemento doutras accións de interese mutuo, dentro das dispoñibilidades das partes e conforme á normativa vixente.
- Defensa dos dereitos das egresadas en Belas Artes e impulso á profesionalización do sector da arte contemporánea.
Presentación das persoas en prácticas
No marco deste convenio, AColectiva incorpora alumnado en prácticas procedente da Facultade de Belas Artes de Pontevedra.
- Andrea Mosquera Guerrero
- Goa Vázquez
- Ise Rodríguez Mascato
- Martina Migliarini da Costa
- Mónica Lago
